Sinopsis
No verán de 1913, preto de Trives, unha labrega chamada Aurora vive nunha triste soidade dende que o seu marido morreu nun accidente.
No verán de 1913, Alfredo consegue regresar a España dende Venezuela despois de realizar un perigoso traballo secreto en Cuba.
No verán de 1913, preto de Trives, un vello matrimonio coñece a Margarita, unha nena de 10 anos que é a súa única neta e vive en Londres.
No verán de 1913, Alfredo, xa sen cartos, chega a Trives, onde vive don Prudencio, o terratenente que encargou o arriscado traballo en Cuba. Porén, o pagamento demórase e, sen un lugar onde durmir, Alfredo refúxiase nun palleiro que pertence a Aurora.
Naquel verán de 1913, Margarita viu como o amor cambiaba a vida de Aurora e Alfredo, e como ambos loitaron xuntos contra un grave problema e descubriron que, ás veces, a mala sorte trae un agasallo agochado.
