Sinopsis
Fiel adaptación para o cinema da obra homónima de Shakespeare. Rematada a guerra civil entre César e Pompeio (49-46 a. C.), César convértese en ditador vitalicio e concentra na súa persoa todos os poderes, o cal implica, de feito, a desaparición da República. No ano 44 a. C., Casio e Bruto, dous nobres romanos defensores ao extremo das liberdades republicanas, encabezan unha conxuración contra o ditador, que é asasinado nos idus de marzo dese mesmo ano. Cabería destacar o discurso apoloxético (e demagóxico) que pronuncia Marco Antonio en defensa de César co fin de sublevar a plebe contra os tiranicidas. Con esta obra, Mankiewicz propón unha lección política sobre os réximes autoritarios.
